Geloaten 6

Paulus pakt zulm pen nog even

¹¹ Nou mout ie toch ais zain! Wat n grode letters! Dij heb k aigenhandeg schreven. ¹² Dij joe dwingen willen joe besnieden te loaten, dat binnen altmoal lu dij veur t uterlek n goie indrok moaken willen. Ze binnen der allain mor op oet, dat ze nait achternoa zeten worden om Christus zien kruus. ¹³ Dij zok besnieden loaten, holden zok ja zulm èns nait aan wet. Nee, dat ie joe besnieden loaten, dat willen ze bloots om mor snaren te kinnen op wat ie aan joen liggoam doun loaten. ¹⁴ Mie mag God ter veur bewoaren, dat ik mie op aanswat veurstoan loat as op ons Heer Jezus Christus zien kruus. Deur Hom is wereld ³⁵ veur mie kruzegd, en ik veur wereld. ¹⁵ Dat ie besneden binnen, zegt ja niks; dat ie t nait binnen, liekemin. t Komt ter mor op aan, dat ie n nij mensk worden. ¹⁶ Vree en baarmhaarteghaid komt deel op altmoal dij bie dizze regel leven, dat is te zeggen: op Gód zien Izrel. ³⁶
¹⁷ Dit nog: gainain huift op mie te kifken; ik droag dèllen van Jezus ja op t liggoam. ³⁷

¹⁸ Genoade van ons Heer Jezus Christus is mit joen gaist, bruiers (en zusters).
Zeker woar!