Geloaten 5

Nait op n aander deelkieken

²⁵ As wie leven deur de Gaist, loat we den ook de Gaist zien koers aanholden. ²⁶ Loat we ons toch niks verbeelden, mekoar nait oetdoagen, nait ofgunsteg op nkander wezen,

6

¹ bruiers (en zusters). As ter den ais ain bie n misstap overlopen wordt, mout ie as gaistelke mensken zukkent deur n zaachtzedege holden weer op t goie pad brengen. Hold tougelieks diezulm in de goaten. Doe konst ja ook ais in verlaaiden kommen! ² Droagt nkanders lasten. Op dij menaaier zel ie Christus zien wet noakommen. ³ As ain zok ja verbeeldt, dat e n haile Piet is, en hai is n nulholtje, den holdt e zokzulm veur de gek. ⁴ Wat of e zúlm doan het, dát mout elk onderzuiken. As e der den aal van snaren kin, den toch allain mor tegen zokzulm, nait tegen zien noaber; ⁵ elks mout ja zién vracht droagen. ³³