Geloaten 4

Twij vraauwen - twij kinder

²¹ Nou mout ie mie toch ais zeggen -ie willen ja onder wet blieven- : heur ie den nait, wat of dij wet zegt? ²² Der staait ja, dat Oabram twij zeuns kreeg, ain bie zien sloavin en ain bie zien vrije vraauw. ²³ Allain: sloavin heur zeun is verwekt op n noatuurleke menaaier, mor vrije vraauw heur zeun deur God zien touzeggen. ²⁴ Doar is n daipere gedachte in oetdrokt. Dij twij vraauwen stellen twij testementen veur.
t Aine is ofkomsteg van baarg Sinaï. Kinder doarvan binnen veur sloavernij bestemd. Dat is Hagar. ²⁵ ("Hagar" is ja zoveul as "de baarg" ²⁶ Sinaï in Aroabie.) Zai gaait zulmde koers as Jeruzelem van nou; dat is ja in sloavendainst mit heur kinder. ²⁶ Mor t Jeruzelem hierboven is vrij. En dat is ons moeke. ²⁷ Der staait ja: ²⁷
"Wees mor blied,
doe dij gain kinder kriegen konst;
roup mor zo haard astoe kinst,
doe dij gain vloagen haarst!
n Haile koppel kinder krigt nou ja dij ainboare,
meer as dij, dij heur man nog het."
²⁸ En ie, bruiers (en zusters) binnen belofte-kinder, net as Izak. ²⁹ Allain: net zo as dou dij jong dij op noatuurleke menaaier verwekt was t jonkje achternoa zat dij deur de Gaist zien toudoun verwekt was, zo gaait t nou ook weer. ³⁰ Mor wat zegt Schrift? ²⁸ "Stuur dij sloavin mit heur zeun toch vot! Sloavin heur zeun zel aarvenis ja nait dailen mit vrije vraauw heur zeun."
³¹ Nou den, bruiers (en zusters), wie binnen gain kinder van sloavin, mor van vrije vraauw.