Geloaten 4

Is t doan mit ons eerste laifde?

¹² Komt toch in mien stroatje; ik bin ook ja in joenent kommen. ¹⁹ Tou nou bruiers (en zusters)!
Ie hebben mie nog nooit min behandeld. ¹³ Wait ie nog wel van dij eerste moal dat ik joe bliede bosschop brochde? Dat kwam dou deurdat ik zaik was. ²⁰ ¹⁴ Zo as ik ter dou oetzag ...! t Haar joe in verlaaiden brengen kind mie niks weerd te vinden, joa alderdeegs van mie te waalgen. Mor nee, hur! As n engel van God heb ie mie ontvongen; as Christus Jezus. ¹⁵ Wat heb ie joezulm dou gelukkeg prezen! Mor kom doar nou ais om! Ik mout joe ja noageven, dat ie, as dat kind haar, joen ogen der oetropt en aan mie geven haren! ²¹ ¹⁶ Bin ik nou den joen vijand worden deur joe te zeggen, woar of t op staait?