Geloaten 4

Voogdij is oflopen

¹ Ik wol mor zeggen: zo laank as aarfgenoam nog minderjoareg is, verscheelt e niks van n sloaf, schoon dat e boas is over alles. ² Hai staait onder voogden en beheerders aan t tiedstip tou dat zien voader vaastlegd het. ³ Zo ging t ons ook: dou we minderjoareg wazzen, ston we as sloaven onder hemelliggoamen. ¹⁷ Mor dou dij tied ter heer was, het God zien Zeun der op ofstuurd. n Vraauw brochde Hom ter wereld. Hai kwam onder wet te stoan. ⁵ Den kon E wèl of onder wet zatten vrij kopen, dat wie ons plak as kinder kriegen zollen.
⁶ Wil ie t bewies dat ie nou kinder binnen: God het Gaist van zien Zeun in ons haarten kommen loaten. En dij ropt God aan as "Abba", Voader. ⁷ Nou bistoe dus gain sloaf meer, mor kind. En astoe kind bist, den bist ook aarfgenoam. Dat hest aan God te daanken.