Geloaten 3

Gain lutje kinder meer

²⁴ Zo het wet ons dus as n soort kinderoppaas opbrocht, noar Christus tou. Den kon we op grond van geleuf vrijsproken worden. ²⁵ Mor nou t geleuf ainmoal kommen is, loop we nait laanger aan t haandje van dij oppaas.
²⁶ Ie binnen ja altmoal God zien kinder deur te leuven in Christus Jezus. ²⁷ Ie altmoal ja, dij joe in Christus deupen loaten hebben, binnen zo te reken in Christus zien vel kropen. ²⁸ Doar wordt nait meer sproken van "Jeud" of "haaiden"; nait van "sloaf" of "vrij man"; nait van "man" en "vraauw". Ie binnen ja altmoal ain toetmèm in Christus Jezus. ²⁹ En as ie van Christus binnen, bin ie dus Oabram zien ofstammeling. Den komt volgens touzeggen aarvenis joe tou.