Geloaten 1

Der is mor ain evengelie

⁶ Ik kiek ter roar van op. Nog mor naauw het E joe deur genoade roupen, of ie valen Hom òf veur n aander evengelie. ⁷ Der is ja gain aander! Der binnen allain mor gounent dij joe oet stuur brengen willen en t evengelie van de Christus op kop zetten. ⁸ Mor al zol wié t ook wezen, joa, al zol t ook n engel oet hemel wezen: wèl of joe n evengelie deurgeft, aans as t evengelie dat wie joe deurgeven hebben: verflukt mag e wezen! ⁹ k Heb t al eerder zegd, en zeg t nog ais: as ain joe n evengelie deurgeft aans as dat ie kregen hebben: verflukt mag e wezen!