Geloaten 1

Begun

Aan gemaintes in Geloatie.

Dizze braif komt van Paulus, n apostel dij nait noamens mensken komt, ook nait deur n mensk aansteld is, mor deur Jezus Christus en deur God, zien Voader, dij Hom oet t graf opstoan loaten het.

² Ik en ale bruiers dij hier bie mie binnen, ³ wensken joe genoade en vree noamens God, ons Voader, en ons Heer, Jezus Christus.
⁴ Dij het zokzulm ovverd, om wat wie verkeerd doan haren goud te moaken. Den kon E ons tou dizze minne wereld oet hoalen. Zo wil God, ons Voader, dat. ⁵ Hom mout we doarveur priezen, aiweg en aaid; zeker woar!