Filippiërs 3

Liek op t doul òf

¹² Nou wil k nait zeggen dat ik t al grepen heb of al volmoakt bin, mor k zit ter achter heer om der beslag op te leggen nou Christus Jezus op mie beslag legd het. ¹³ Nee bruiers (en zusters), k verbeel mie nait, dat ik ter al beslag op legd heb. Mor dit staait vaast: wat of achter mie ligt dat is vergeten. ¹⁴ Ik rek noar wat of veur mie ligt. En zo run k op t doul òf. Om pries te winnen veur t volbrengen van mien opdracht, dij God hierboven in Christus Jezus mie geven het.
¹⁵ Loat wie nou aalmoal dij wazzen binnen dat in t zin hebben. En as ain van joe der aans over denkt, den zel God joe dat ook wel dudelk moaken. ¹⁶ Allain - doar wie t al eerder over had hebben - as ain man optrekken! ⁴