Filippiërs 2

Timoteüs en Epafroditus

¹⁹ Ons Heer, Jezus, geft mie hoop, dat ik eerstdoags Timoteüs noar joe tou sturen kin. As k heurd heb hou of t bie joe heer gaait, den krieg ik ook weer nije moud. ²⁰ k Heb ja aans gain ain, dij zo mit mie mit vuilt, en dij belangeloos zörg veur joe op zok nemen kin. ²¹ Ze denken ja aalmoal aan heur aigen zoak. Nait aan Christus Jezus zienent. ²² Mor wat of hai weerd is, doar het e joe bliek van geven: as n kind mit zien voader zo het hai mit mie in dainst van t evengelie stoan. ²⁴ Mor de Heer geft mie vertraauw, dat ik ook zulm gaauw kommen kin. ²⁵ Mor k von t neudeg Epafroditus noar joe tou te sturen. Mien bruier, dij mit mie waarkt en mit mie stridt. En dij joen ofgezant was om mie te helpen tou aal wat of k neudeg haar. ²⁶ Hai haar ja zo n wènst noar joe aalmoal. Mor hai zat ook in zörg omreden ie haren heurd dat e zaik worden was. ²⁷ Nou dat is ook zo: hai het t veur dood heerhoald. Mor God het meedlie mit hom had. Nait allain mit hom, mor ook mit mie. ²⁸ Doarom stuur k hom nou mor gaauw weerom. Den kin ie blied wezen as ie hom weer zain. En heb ik n zörg minder. ²⁹ Ontvangt hom in de Heer mit ale bliedschop. En holdt zukke mensken in eren. ³⁰ Om t waark van Christus het e ja oog in oog mit dood stoan. Hai het zien levent ter aan woagd om mie te helpen. Ie konnen ook ja nait alles doun.