Filippiërs 2

Schienen as lichten in wereld

¹² Nou den, beste lu! ie hebben aaltied noar mie lusterd. Dout dat nait bloots as k bie joe bin, dout dat eerst recht as k vot bin. Loat t waark joe aanvlaigen dat doan worden mout veur nkanders behold. ¹³ God is t ja dij joe wint veur wat of Hai in t zin het. En joe doar veur aan t waark zet.
¹⁴ Dout t aal zunder mòtjen en hikhakken. ¹⁵ Dat ie naargens van verdocht worden kinnen en eerlek binnen: onbesproken kinder van God, maank mensken dij dwaars en verkeerd binnen. ¹⁶ Doartussen mout ie schienen as steerns aan lucht deurdat ie mit t woord van levent heur beschienen. Doar zel k van snaren kinnen as Christus zien dag komt. Den heb k nait omsunt rund en schript. ¹⁷ Mor of zol mien bloud ook oetgoten worden bie ovverdainst van joen geleuf, toch bin k blied en dail ik bliedschop mit joe aalmoal. ¹⁸ En net zo mout ie blied wezen en bliedschop mit mie dailen.