Filippiërs 1

Paulus beedt veur zien lezers

³ Ik daank mien God ieder bot dat ik aan joe denk. ⁴ Aaltied ja, as k veur joe aalmoal beden dou, den dou k dat vol bliedschop. ⁵ Van eerste dag òf, aan nou tou, heb ie ja mitholpen t evengelie te verbraaiden. ⁶ Van ain ding bin k zeker: dat Hai, dij n goud waark in joe begund is, dat ook aan t èn tou deurzetten zel, aan Christus Jezus zien dag tou.
⁷ Dat kon ie ja nait aans van mie verwachten, dat ik zo over joe aalmoal denken dee. Ik droag joe ja in mien haart. Ie stonnen ja aalmoal mit mie onder aigenste genoade, in mien gevangenschop en bie mien verweer doar of ik t evengelie nog ais goud mit aanzegd heb. ⁸ God is mien getuge ja hou of ik noar joe aalmoal verlang. En dat verlangen geft Christus Jezus mie in.
⁹ Dit bee ik, dat joen laifde aal meer worden mag om t aal te begriepen en aan te vuilen; ¹⁰ dat ie t onderschaaid kennen doar of t op aankomt. Zodounde wor ie zuver en is ter niks op joe aan te maarken tegen tied dat Christus weer komt, ¹¹ riek as ie binnen aan vruchten van joen vrijsproak, dij Christus Jezus riep worden let. Tou eer en lof van God.