Efeziërs 6

Persoonleke zoaken en groutnis

²¹ Om joe op hoogte te holden van mien omstandegheden, hou of t mit mie gaait, zel Tychikus joe alles oetstokken, n bruier doar ik veul van hol, n helper in t waark van de Heer, doar ik op aan kin. ²² Juust doarom stuur k hom noar joe tou. Den kin ie vernemen, hou of t ter mit ons veurstaait, en kin e joe n haart onder raim steken.
²³ Dat, tougelieks mit geleuf, aan bruiers vree en laifde toulangd worden mag deur God ons Voader, en deur ons Heer, Jezus Christus.
²⁴ Dat genoade wezen mag mit aal dijent dij ons Heer, Jezus Christus, laif hebben. n Laifde: nait kepot te kriegen!