Efeziërs 4

Ainsgezindhaid

¹ Doarom roup ik, dij om mien baand mit Christus gevangen zit, joe op: gedroagt joe zo, as God van joe verwachtte, dou E joe aanstelde. ² Mit ain en aal nederghaid en zaachtzedeghaid, mit geduld mout ie in laifde nkander verdroagen. ³ Dout joen best ainsgezind te blieven. Zörgt veur n goie verstandholden; dij holdt joe bie nkander. ⁴ Ain liggoam (bin ie) mit ain gaist.
t Is toch ook ja ain en t zulmde, dat ie verwachten doun op grond van joen aanstellen?
⁵ Ain Heer (is ter), ain geleuf, ain deup.
⁶ Ain God en Voader heb ie altmoal.
Dij staait boven joe altmoal,
is maank joe altmoal en in joe altmoal.