Efeziërs 3

Gebed om gaistelk inzicht

¹⁴ Dat is - zo wol ik zonet ⁶ al zeggen - veur mie n reden op knijen te goan veur dij Voader, ¹⁵ van wèl of elk geslacht in hemel en op eerde zien noam krigt, ¹⁶ en Hom te vroagen, of E joe geven wil - en doar is E zat tou in stoat! - dat ie deur zien Gaist innerliek staark te stoan kommen; ¹⁷ dat Christus deur t geleuf in joen haarten wonen mag; dat ie beworreld worden in zien laifde en zo vaaste grond onder vouten kriegen; ¹⁸ dat ie in stoat worden mit ale haailegen te vatten, om wat veur n brette en lengte en hoogte en daipte t hier wel gaait, ¹⁹ en inzicht te kriegen in Christus zien laifde, doar wie mit ons verstand nait bie kinnen; dat ie boorndevol worden van God.
²⁰ Hom dij - te reken noar kracht dij in ons haart aan t waark is - alles doun kin, en meer as dat, veul meer as dat wie vroagen of bedenken, ²¹ Hom mout deur kerk eer geven worden, en dat in Christus Jezus, ale generoatsies deur, veur aiweg en aaid. Zeker woar!