Efeziërs 1

Vrouger al kozen, nou zegend in Christus

³ Hoog te priezen is God, ons Heer Jezus Christus zien Voader. Hai het ons in Christus in zien hemelse kontraainen ain en aal geestelke zegen toukommen loaten. ⁴ In Hom haar E ons der ja veur oetkozen, al veur fonnement van wereld legd wer, dat we haaileg en zunder lek of brek in zien dainst stoan zollen. ⁵ Oet laifde haar E vrouger al onnaaierd, dat wie zien kinder worden zollen deur Jezus Christus. Zo leek Hom dat goud, en zo wol Hai dat. ⁶ Den kon we zien genoade loven en priezen, dij E ons in zien laive Zeun geven het.
⁷ Deur t ovver van zien levent bin we vrij moakt van schuld en binnen zunden ons vergeven. Zo n overvloud van genoade ⁸ het E ons schonken, dou E in ain en aal wieshaid en inzicht ⁹ ons t gehaim bekend muik van wat of E mit ons veur haar.