| |
| 1 | Priest God, de HEER, veur ale dingen. |
| | t Is goud deur t laid Hom eer te brengen. |
| | t Paast elk en ain om Hom te daanken |
| | mit jubelzang en bliede klaanken. |
| | Hai gaait Jeruzelem weer baauwen, |
| | verzoameln dij op Hom vertraauwen, |
| | t verbroken haart zel Hai genezen, |
| | t gewonde volk tou helper wezen. |
| |
| 2 | Hai let aan hemel sterens stroalen; |
| | getal en noam wol Hai bepoalen. |
| | Groot is ons HEER en staark van krachten, |
| | der is gain èn aan zien gedachten. |
| | Wèl nederg is wil Hai bewoaren, |
| | en stoande holden ien gevoaren, |
| | mor goddelozen zel Hai leren |
| | hou heur t vergaait, dij Hom nait eren. |
| |
| 3 | Loat ons de HEER een lofzang zingen |
| | en mit meziek Hom eer toubrengen. |
| | Hai is t dij lucht bedekt mit wolken, |
| | zien zörg bliekt onder ale volken. |
| | Hai is t dij zörgt veur zun en regen, |
| | dat t gras weer oetlopt alerwegen. |
| | Hai wil aan t vij zien vouer geven, |
| | holdt jonge roaven ook ien leven. |
| |
| 4 | Veur God is ale kracht van peerden |
| | mit aal heur droaven, zunder weerde. |
| | Hom, dij vertraauwt op staarke bainen, |
| | wil God zien biestand nait verlainen. |
| | De HERE wil goudgunsteg wezen |
| | veur dij Hom dainen en Hom vrezen, |
| | dij mit heur haarten veur Hom open |
| | allain op zien genoade hopen. |
| |
| 5 | Jeruzelem, pries God, de HERE, |
| | breng God, o stad van Sion, ere. |
| | Hai holdt bie poort joen vijand tegen, |
| | en geft joen kiender rij zien zegen. |
| | De HEER zel joe weer veurspoud geven, |
| | ien overvloud let Hai joe leven. |
| | Hai geft ien joen kontraainen vrede, |
| | joa, t beste koren wordt joe sneden. |
| |
| 6 | God let zien stem ien wereld heuren, |
| | Hai sprekt zien woord en t gaait gebeuren. |
| | De HEER geft snij as wollen vachten, |
| | streut riep as aask, ien winternachten. |
| | Hai let zien hoagelbuien joagen, |
| | wèl kin dij barre kol' verdroagen? |
| | Mor op zien woord gaait t wotter stromen, |
| | waait veujoarswiend weer lij deur bomen. |
| |
| 7 | De HEER het Joakob oetverkoren |
| | om Zuk aan hom te openboaren. |
| | Hai gaf aan Israël zien wetten, |
| | om vouten ien zien spoor te zetten. |
| | Gain aander volken mog dit beuren, |
| | dij kregen bosschop nait te heuren. |
| | Pries God veur aal zien gunstbewiezen, |
| | joa, halleluja, wil Hom priezen! |
| |
