| |
| 1 | De HEER is hoog te priezen ale tieden, |
| | Hai vörmt mien handen om veur Hom te strieden, |
| | Hai het mien vingers kloar veur oorlog moakt, |
| | Hai is mien börg dij hoog op baargen woakt. |
| | Te priezen Hai, bewoarder van mien leven, |
| | mien schild en schoel, wied boven elk verheven. |
| | Te priezen is de HEER, dij om mie denkt, |
| | dij t vremde volk veur mie op knijen dwingt. |
| |
| 2 | Wat is den n mensk, dat ie zo hoog hom achten, |
| | wat is hai wel nait weerd in joen gedachten, |
| | dat ie hom zain, zo laifdevol en traauw? |
| | Hai is as schaar, zo vluchteg en zo gaauw, |
| | hai is as daauw in zunneschien verswonnen. |
| | Zien tied van leven is mor naauw begonnen |
| | as hai oet tied komt op joen tied, |
| | zo'n seupel mensk is t leven zo mor kwiet. |
| |
| 3 | Kom, HEER, omdeel, oet hemel noar beneden, |
| | roak baargen aan zodat zai zwoavel geven! |
| | Slinger joen bliksemflitsen wied in t rond, |
| | dat aal wat leeft haildaal in toeze komt! |
| | Lang mie joen haand oet hemel, hoog verheven, |
| | en red tou t wotter oet mien leven, |
| | woar mie veur ain dij griepgeern noar mie gript, |
| | bloots lege proat komt hom ja over lip. |
| |
| 4 | O God, ik wil joen grode noam bezingen, |
| | mien nijste laid zel bliede veur Joe klinken, |
| | en op mien tiensnoar speul k veur Joe meziek. |
| | Aan keunenks gaf ie zegen bie heur stried. |
| | Verlös mie, zo as Ie mit Doaved deden, |
| | van vremde dij mie dood wil zunder reden, |
| | van hom, dij vingers hoog in lucht opstekt, |
| | en dij zien tong bloots lege woorden sprekt. |
| |
| 5 | Moak dat ons zeuns as jonge planten gruien |
| | en in heur jonkhaid prachteg stoan te bluien. |
| | Moak onze dochters, staark van lief en gaist, |
| | tou fien bewaarkte zoelen in t pelaais. |
| | Loat veurroadschuren vol aan nok tou wezen |
| | en geef aan aal ons vij joen rieke zegen, |
| | den zel Ie, zo mit mekoar op plaain |
| | en zunder zörg en biebeer* bliede zain. |
| |
| 6 | Wat heb wie t goud, God geft ons roem te leven, |
| | en rij wil Hai van aal zien riekdom geven. |
| | Zoaleg is t volk, dat zo in wereld staait, |
| | zoaleg is t volk, as God,de HEER, heur laaidt. |
| |
| | * biebeer = drokte |
| |
