| |
| 1 | Oet ale macht roup ik de HEER, |
| | smeek om genoade, aal mor weer, |
| | ik gooi ter oet ien aal mien nood, |
| | want wat mie dwaars zit is zo groot. |
| |
| 2 | Help Ie mie ien mien aineghaid, |
| | as ik de weg nait laanger wait. |
| | Aal mien bewegens goan Ie noa, |
| | woar dat ik bin, woar dat ik goa. |
| |
| 3 | Op menneg pad loert groot gevoar, |
| | zai zetten t slagnet veur mie kloar, |
| | en ik wor hailtied weer verjagd, |
| | der is gain mensk dij noar mie vragt. |
| |
| 4 | Ik roup Joe aan zo haard as k kin, |
| | mien touvlucht, doar ik vaaileg bin, |
| | dou mie joen aarfdail oet joen haand, |
| | as vaaileg haimstee ien joen laand. |
| |
| 5 | Zet oren open veur mien klacht, |
| | mien vijand is noar mie op jacht, |
| | red mie oet achtervolgers" strik, |
| | want zai bin maanzer nog as ik. |
| |
| 6 | Verlös mie oet gevangenis, |
| | red mie van dij veul staarker is, |
| | dat ik vannijs Joe priezen kin, |
| | en blieken loat hou blied ik bin. |
| |
| 7 | Rechtschoapen volk krigt zo te zain |
| | joen goudhaid veur ain dij Joe daint. |
| | Zai heuren hou k joen noam weer pries |
| | om aal dat gouds dat k van Joe krieg. |
| |
