| |
| 1 | Mit haart en ziel zel ik, o HEER, |
| | Joe lof en eer en hulde brengen. |
| | Mit ale goden om mie tou |
| | zel ik Joe nou |
| | mien lofzang zingen. |
| | Ik boeg mie noar joen haailegdom, |
| | en dou dat om |
| | joen noam te priezen; |
| | om ale traauw en goudeghaid, |
| | dij Ie mie aait ien gunst bewiezen. |
| |
| 2 | Om wille van joen eer en noam, |
| | heb Ie nou doan |
| | aal wat Ie zeden. |
| | Ie mouken het wel goud mit mie, |
| | deur aal wat Ie |
| | doar veur mie deden. |
| | Dou k om Joe raip heb Ie opslag, |
| | nog zulfde dag, |
| | mie antwoord geven. |
| | Ik kreeg dou oet joen overvloud |
| | weer nije moud |
| | en kracht veur t leven. |
| |
| 3 | Wat ook ien wereld macht het, HEER, |
| | dij geft Joe eer |
| | om wat Ie zeden. |
| | Zai zingen van joen heerlekhaid |
| | heur hoogste laid |
| | om wat Ie deden. |
| | Al staait Gods troon ook hemelhoog, |
| | Hai holdt ien t oog, |
| | aal dij Hom eren. |
| | Mor wèl verwoand noar Hom nait vragt, |
| | dij wordt veracht, |
| | en zel Hai weren. |
| |
| 4 | Of kom ik ook nog zo ien t naauw, |
| | toch holdt joen traauw |
| | mie wel ien t leven. |
| | En as van hoat mien vijand braandt, |
| | joen rechterhaand |
| | zel oetkomst geven. |
| | De HERE moakt het veur mie kloar |
| | en ik kom doar- |
| | deur goud te lande. |
| | Joen goudhaid geldt ien aiweghaid, |
| | vergeet toch nait |
| | t waark van joen handen. |
| |
