| |
| 1 | Dou God de HEER aan Sion docht |
| | en leed en lot tou omkeer brocht, |
| | was t net mit ons of dreumden wie, |
| | en elk van ons was wait hou blied. |
| | En volken zeden, dou ons tongen |
| | van vrijhaid en verlözzen zongen: |
| | De HEER het, mit heur lot begoan, |
| | aan Sion grode dingen doan. |
| |
| 2 | Joa wis, de HEER mit ons begoan, |
| | het grode dingen aan ons doan |
| | en doarom bin wie deurhèn blied. |
| | Heer, geef ons den ien dizze tied |
| | dat ale lu ien vrijhaid leven |
| | ien t laand van Joe, dat Ie heur geven, |
| | dat loug en laand tou leven komt |
| | en t wotter dwaars deur t onlaand stroomt. |
| |
| 3 | Dij zaait mit troanen van verdrait |
| | zingt domt bie t zichten t hoogste laid. |
| | Dij reert as hai zien zoadbak dragt, |
| | dij hoopt veurvaast op stille kracht, |
| | en den, bie t feest van eerstelingen, |
| | den is ter reden om te zingen, |
| | hai gaait noar hoes as t holdert* is, |
| | van haarten blied, van opbrengst wis. |
| |
| | * Holdert is t ènd van dagtoak |
| |
