| |
| 1 | De Sionsbaarg wist wied noar boven, |
| | hai staait op stee veur aait, |
| | van wankeln wait hai nait. |
| | Dij vol vertraauw de HERE loven, |
| | dij stoan deur weer en wiend omgeven |
| | as baarg ien t leven. |
| |
| 2 | Wat stoan rondom de stad van vrede |
| | de baargen staark en staail, |
| | dij stee van hoop en haail. |
| | Zo staait de HEER ien t haile leven |
| | rondom heur dij zien woord bewoaren, |
| | zien volk op oarde. |
| |
| 3 | t Kwoad zel t nait aait veur t zeggen kriegen, |
| | dat goddeloos en dwoas |
| | deur God zien wereld poast, |
| | zodat heur handen zuver blieven, |
| | wiedvot van t kwoad en zai zok keren |
| | noar God, de HERE. |
| |
| 4 | Dou goud aan lu mit goie doaden, |
| | elk dij oprecht is, HEER. |
| | Mor ain dij hailtied weer |
| | kwoad dut en gaait op kronkelpoaden, |
| | loat dij mor goan op duustre wegen. |
| | Geef Izrel zegen! |
| |
