| |
| 1 | Noar Joe, o HEER, dij troont zo hemelhoog, |
| | richt ik vol hoop mien oog. |
| | Net as dat knechten opzain noar heur heren |
| | en gunst van heur begeren, |
| | net as dat maaiden, dij heur dainst verrichten, |
| | t oog op heur vraauwen richten, |
| | zo zain wie netzo op noar God dij is |
| | tot Hai zien gunst bewist. |
| |
| 2 | Genoade, HEER, wees ons genoadeg, God, |
| | wie stoan aingoal veur spot. |
| | Wie bin' ja meer as zat van dat verachten |
| | van lu dij Joe nait achten, |
| | van spot van aal dij deurhèn domme dwoazen |
| | dij mor deur wereld poazen, |
| | mit kop ien nek deur t leven goan. |
| | Verlös ons van dij woan. |
| |
