| |
| 1 | Dou Israël oet Egypte vertrok, |
| | Joakob zien vrijhaid vol bliedschop betrok, |
| | - gain vremde toal meer heuren -, |
| | wer Judoa God zien haailegdom, |
| | was zeggenschop haildaal allain veur Hom, |
| | zol t noar zien wil gebeuren. |
| |
| 2 | Dou zee dat zag wol dij doar wied vandoan, |
| | en ruggels vluchtte alderdeegs Jordoan, |
| | allenneg oet op wieken. |
| | As rammen runden baargen hènneweer, |
| | net lammer hupten heuvels rondom heer, |
| | allain om oet te pieken. |
| |
| 3 | Wat hest wel, zee, dastoe zo wieken dust, |
| | Jordoan, dast ruggels en verhilderd vluchtst, |
| | woar loat ie joe deur laaiden? |
| | Wat run ie, hoge baargen, hènneweer, |
| | wat hup ie, vaste heuvels, rondom heer |
| | as lammer ien heur waaide? |
| |
| 4 | Goa daanzen, eerde, veur t oog van de Heer, |
| | veur God van Joakob, en betuug Hom eer, |
| | Hom mout ie daank bewiezen. |
| | Op t dreuge laand let Hai joe wotter zain, |
| | asmis broest t op oet haarde ròts en stain. |
| | Zo ain mout ie wel priezen! |
| |
