| |
| 1 | Ere veur God, loat elk Hom priezen, |
| | gelukkeg dij Hom eer bewiezen, |
| | slim wies mit zien geboden leven, |
| | heur noageslacht zel machteg wezen. |
| | Dij eerlieks goan over Gods wegen |
| | beaarven overvloud van zegen. |
| |
| 2 | Rechtschoapen lu goan nait verloren, |
| | kaptoal en riekdom zel Hai woaren. |
| | As t naacht is zain zai dag al doagen, |
| | heur leven is noar Gods behoagen. |
| | Hai let heur ien zien laifde leven |
| | en wil heur zien genoade geven. |
| |
| 3 | Gelukkeg dij genoade geven, |
| | veur recht en laifde stoan ien t leven, |
| | zai duren t geld wel oet te lainen, |
| | en doun dat om de Heer te dainen. |
| | Heur noam holdt elk en ain ien ere, |
| | heur noam is vaaileg bie de HERE. |
| |
| 4 | Onwrikboar zel heur haart aaid blieven, |
| | nait baang om vijand te verdrieven. |
| | Mit rije haand blieven zai geven |
| | aan mensken dij ien aarmoud leven. |
| | Gerechteghaid blift aaltied gèlden, |
| | gain hoat of nied kin heur omvèllen. |
| |
| 5 | Heur recht holdt stand ien ale tieden, |
| | heur goie noam het niks te lieden, |
| | mor lu, dij God de Heer nait mainen |
| | en bloots zokzulm as ofgod dainen, |
| | zai knaarzen vranterg mit heur koezen, |
| | heur plan vergaait: haildaal ien toezen. |
| |
