| |
| 1 | Mit hail mien haart pries ik de HEER |
| | maank aander lu, doar k mit verkeer, |
| | dij net as ik op Hom vertraauwen. |
| | Bloots dege doaden het Hai doan, |
| | zien waark is t weerd om noa te goan |
| | veur dij der nocht aan het t aanschaauwen. |
| |
| 2 | Hai let ons stilstoan bie zien waark, |
| | zien wonderwaarken, groot en staark, |
| | gerechteghaid wil Hai ons geven. |
| | Genoadeg en goudgunsteg is |
| | de HEER, en zien gedachtenis |
| | blift aaid en immer bie ons leven. |
| |
| 3 | Hai gaf gerak aan wèl Hom eert, |
| | heur welstand is Hom alles weerd, |
| | aaid blift Hai zien verbond gedenken. |
| | Hai let zien volk zien doaden zain, |
| | want t laand, eerst òfgod zien kontraain, |
| | wil Hai aan aigen mensken schenken. |
| |
| 4 | Gerechteghaid, dat is zien waark, |
| | de woarhaid zulf, volmoakt en staark, |
| | zien woord staait vaast om op te baauwen. |
| | Zien wil is t dij veur elkain geldt, |
| | betraauwboar aal wat Hai bestelt, |
| | op Hom allain steunt ons vertraauwen. |
| |
| 5 | Zien volk het Hai verlözzen doan, |
| | t verbond mit heur blift aaid bestoan, |
| | Hai zel ons nait allenneg loaten. |
| | Duchteg en haaileg is zien noam, |
| | dij blift deur tieden hèn bestoan, |
| | elk krigt van Hom vergees genoade. |
| |
| 6 | Dij wies is wait: de HEER gaait veur, |
| | ontzag veur Hom is eerste keur, |
| | elk dij zo leeft het ienzicht kregen, |
| | dij is goud helder van verstand. |
| | Priest Hom, zien lof holdt aiweg stand, |
| | hail wereld zel ain lofzang wezen! |
| |
