| |
| 1 | Pries ien joen nije laid de HERE, |
| | dij zo veul wonderwaarken dee. |
| | Zien rechterhaand was nait te keren, |
| | Hai overwon en gaf ons vree. |
| | Zo het Hai ons zien gunst bewezen, |
| | Hai teunt zien haail aan elk en ain |
| | en let, dat ale lu Hom vrezen, |
| | zien recht aan haile wereld zain. |
| |
| 2 | Hai docht ien traauw en ien genoade |
| | aan ons, as t volk van zien verbond. |
| | De haile wereld zag zien doaden, |
| | komt, zingt der van, mit haart en mond. |
| | Priest mit mekoar joen God, de HERE, |
| | komt lös ien jubel en gezang! |
| | Zingt mit meziek joen Vorst ter ere, |
| | verheerlekt Hom joen leven laank. |
| |
| 3 | Loat zee nou broezen mit zien boaren, |
| | loat wereld en wèl doarop leeft |
| | en gain revier zuk meer bedoaren, |
| | dat elke baarg van bliedschop beeft: |
| | veur t oog van Hom, dij komt te richten |
| | de wereld ien gerechteghaid. |
| | Hai komt om hier zien riek te stichten, |
| | dat blift bestoan ien aiweghaid. |
| |
