| |
| 1 | Goud is t om God te priezen, te zingen van zien noam, |
| | mit lof noar Hom te goan en eer Hom te bewiezen. |
| | Om smörgens te verhoalen van zien goudgunsteghaid, |
| | as naacht zien dekbèr spraaidt, zien noam vannijs herhoalen. |
| |
| 2 | Wie loaten tiensnoar klinken en tingeln van joen traauw, |
| | en tot aan hemel tou zel wie ons laiden zingen. |
| | Mit haarp- en citerklanken is t ain en aal meziek |
| | om Joe, o HEER, te danken, ons lof klinkt wied en zied. |
| |
| 3 | Joen woorden en joen doaden dij deden mie zo goud, |
| | - bloots bliedschop veur t gemoud, allain van joen genoade -. |
| | Joen waarken wil ik priezen, aal wat joen haand ooit dee. |
| | Ik zel Joe eer bewiezen, Joen volk viendt vaaileg stee. |
| |
| 4 | Wat daip goan joen gedachten, te daip veur t onverstand, |
| | veur dwoazen in dit laand. Wat staait heur nog te wachten. |
| | Kiek oet noar ale zieden, aal t kwoad waast ja as roet, |
| | hou reudt ain dat nog oet. Kin Ie dat nait bestrieden? |
| |
| 5 | Mor Ie bin hoog verheven en keunenk in joen riek, |
| | joen vijand krigt om liek, en minhoed wordt verdreven. |
| | Joa, elke tegenstander zel sneuveln in t gevecht, |
| | zai kommen maal terecht, Hai jagt heur oet nkander. |
| |
| 6 | In aanzain bin ik kommen, men het ontzag veur mie. |
| | Joen eulie kriegen Ie en loaten t op mie stromen. |
| | Ik zai mit aigen ogen hou vijand dik verlust, |
| | dat hai genoade kust*, heur ik mit aigen oren. |
| |
| 7 | Dij eerlieks staait in t leven, mag bluien in Gods licht, |
| | dij holdt zien ogen richt op hail zien haaileg streven. |
| | Zo as de ceders gruien, dij stoan aan levensbron |
| | doar hoog op Libanon, zel hai as paalmboom bluien. |
| |
| 8 | Op leeftied kin men droagen, nog geef en gruin, vol kracht, |
| | vol leven oet Gods macht, net as in vrouger doagen. |
| | Getugen is heur leven van God dij traauw bewist, |
| | heur ròts dij zeker is. Zien recht is hoog verheven. |
| |
| | * kaizen: ik kais, hai kust |
| |
