| |
| 1 | Dij touholdt bie de hoogste HEER |
| | huift ook bie naacht nait vrezen, |
| | Gods aalmacht dekt hom elke keer, |
| | doar kinst gerust op wezen. |
| | Ik zeg aan God: mien börg bin Ie, |
| | op Joe kin ik vertraauwen, |
| | mien vasteghaid, o Heer, stoefbie, |
| | om aaltied op te baauwen. |
| |
| 2 | Hai redt die in dien grode nood |
| | oet t net van vogelvanger, |
| | of slimmer nog: van swaarde dood, |
| | doarveur is elk nog baanger. |
| | De HEER zel tiedens dien bestoan |
| | zien schild en schaarm die baiden, |
| | en over aal dien stoan en goan, |
| | zien staarke vleugels spraaiden. |
| |
| 3 | Wees nait benaauwd in duustre naacht |
| | veur t draaigen van gevoaren, |
| | gemaine piel dij vlugt bie dag, |
| | doar zel Hai die veur woaren. |
| | Wees nait benaauwd as swaarde dood |
| | rondgaait in baange nachten, |
| | mor hol die smirregs ook mor groot, |
| | God helpt die tegen machten. |
| |
| 4 | Al valen doezend om die tou, |
| | tiendoezend aan dien ziede, |
| | kinst leven zunder euvelmoud, |
| | God zulf zel veur die strieden. |
| | Zelst veur dien aigen ogen zain |
| | hou t gaait mit tegenstander, |
| | want Hai bestraft heur ain veur ain, |
| | gainain blift oet zien handen. |
| |
| 5 | Dien touvlucht is bie Hom, de HEER, |
| | dien schoelstee ale tieden, |
| | dien börg van traauw rondom die heer, |
| | dien tìnt het niks te lieden. |
| | Hai geft aan engels zien bevel |
| | om die op weg te woaren, |
| | Hai is t dij mit die wezen zel |
| | in aal dien levensjoaren. |
| |
| 6 | Zien engels stoan noast die op wacht, |
| | zai droagen die op handen, |
| | omdast die vout nait steuten magst |
| | aan vlint in vremde landen. |
| | Dij jonge laiw en dikke slaang |
| | zelst mit dien vout vertrappen, |
| | doe bist veur grode droak nait baang, |
| | duurst der op òf te stappen. |
| |
| 7 | Omdat hai Mie zo aigen is, |
| | zegt God, red Ik zien leven. |
| | Ik zel hom oet gevangenis |
| | de volle vrijhaid geven. |
| | As hai Mie aanropt, antwoord Ik, |
| | den het hai niks te vrezen, |
| | en as hai in benaauwdens zit, |
| | den zel Ik bie hom wezen. |
| |
| 8 | Ik hoal hom oet zien nood vandoan, |
| | op Mie kin hai vast reken, |
| | hai krigt van mie n roem bestoan |
| | en vrijhaid aal zien leven. |
| | Ik gun hom roem van haart en rij |
| | bloots bliedschop op zien wegen. |
| | Op t woord van Mie gaait hai vannijs |
| | op pad mit haail en zegen. |
| |
