| |
| 1 | Hoast Joe, om mie te redden, HEER! |
| | O God, wil Ie mie oetkomst geven |
| | straf heur, dij loeren op mien leven. |
| | Heur spot en laster doun mie zeer. |
| | Joag dij mien ondergang begeren, |
| | mit rooie kop bie mie vandoan, |
| | loat heur ien schoamt' en schande goan, |
| | en wil heur lach ien angst verkeren. |
| |
| 2 | Loat elk en ain dij Joe verwacht |
| | Joe priezen mit zien jubelzangen. |
| | Loat heur dij noar joen haail verlangen |
| | belieden: "God is groot ien macht!" |
| | Heer, help mie toch, ik wor aal baanger, |
| | aarm en ellendeg vuil ik mie! |
| | Mien hulp en redder, HEER, bin Ie, |
| | k Vertraauw op Joe, wacht toch nait laanger. |
| |
