| |
| 1 | De HERE is mien herder, aal mien doagen. |
| | k Heb overvloud, zo huif ik nait te kloagen. |
| | Zien zörg brengt mie ien vrizze, gruine streken, |
| | Hai geft mie rust bie kaalme wotterbeken, |
| | Hai dut mie goud, Hai laaidt mie op mien poaden, |
| | zo wordt zien noam vereerd om aal zien doaden. |
| |
| 2 | Al mout ik ook deur duustre doalen lopen, |
| | ik bin nait baang: op Joe mag ik ja hopen, |
| | Ie stoan mie bie as wilde baisten graauwen, |
| | joen stok, joen staf, doar kin ik op vertraauwen. |
| | Ik wait Joe aan mien zied op stoere wegen, |
| | gain onhaail, dat doar draaigt moakt mie verlegen. |
| |
| 3 | k Zit aan joen feestmoal, God van mien vertraauwen, |
| | veur t oog van ale lu dij mie benaauwen. |
| | k Wor deur Joe zaalfd. Ik krieg een volle beker. |
| | Zo laank as k leef bin k van joen laifde zeker. |
| | Ik zel ien t haaileg hoes van God, de HERE, |
| | dag ien, dag oet, zien grode noam vereren. |
| |
