| |
| 1 | Jezus leeft en wie mit Hom! |
| | Dood, woar is dien schrik den bleven? |
| | Jezus leeft en denkt ter om |
| | dat ook wie weer mit Hom leven, |
| | zörgt veur ons zo as gainain,- |
| | dat is ons tot troost allain. |
| |
| 2 | Jezus leeft! Aan Hom is macht |
| | over haile wereld geven. |
| | En wie zellen deur zien kracht |
| | net as Hai veur aiweg leven. |
| | Hai is traauw zo as gainain,- |
| | dat is ons tot troost allain. |
| |
| 3 | Jezus leeft! Dat is ja wis. |
| | t Pad mag wel deur daipte laaiden, |
| | gain gevoar of duusternis, |
| | niks kin ons van Jezus schaaiden, |
| | Dij ons steunt zo as gainain,- |
| | dat is ons tot troost allain. |
| |
| 4 | Jezus leeft! En zo is dood |
| | veur ons overgaang noar t leven. |
| | Wat een rust ien staarvensnood |
| | zel dat woord ons haart nait geven! |
| | Ainmoal zel w'ons Redder zain,- |
| | dat is ons tot troost allain! |
| |
| | Jesus lebt, mit ihm auch ich |
| | Cristian Fürchtegott Gellert (1715-1769) |
| |
