| |
| 1 | Wat blied is dit rodoagen, |
| | de nije dag vol licht! |
| | Aal t duuster is versloagen, |
| | God teunt zien aangezicht. |
| | Deur vijand knecht en doan |
| | mos Hai zien graf iengoan, |
| | mor ien zien onmacht staark |
| | dut Hai zien heerliek waark. |
| |
| 2 | Men het Hom t graf iendreven, |
| | zien vijand knist en lacht, - |
| | gain nood, dat duurt mor even, |
| | want Hai staait op mit macht. |
| | Dij mörgen klinkt t geschal: |
| | viktorie overal! |
| | Zien voandel hoog ien lucht |
| | dat elkenain dat zugt. |
| 3 | Ik mag der ook bie wezen, |
| | bie t overwinnensfeest. |
| | Nou heb ik niks te vrezen |
| | veur t duuster van mien geest. |
| | Ik goa mit bliede zin |
| | mien nije leven in, |
| | mien rieke aarvenis |
| | van God dij aaltied is. |
| |
| 4 | Mit Hom leef ik ien vrede; |
| | Hai nuimt mie mit zien noam. |
| | Ik bin ain van zien leden, |
| | doar Hai ging, kin ik goan. |
| | Hai laaidt mie, dat ik Hom |
| | hailtied weer tegenkom, |
| | gezelschop budt Hai mie |
| | aan nood en dood veurbie. |
| |
| 5 | Weg laaidt mie wis noar boven, |
| | ik hol gelieke tree. |
| | Gain vijand kin mie roven, |
| | dij zet hai wel op stee. |
| | Dij mie noar t leven staait, |
| | dij ken mien Heer nog nait. |
| | Bie lieden en gevoar |
| | is Hai t dij mie bewoart! |
| |
| 6 | Op hemelpoort zai k schreven |
| | ien letters grift ien gold: |
| | "Dij taaisterd is deur t leven, |
| | en as de Heer bespot, |
| | dij krigt hier wis zien loon, |
| | ontvangt zien erekroon; |
| | dij staarven mit de Heer, |
| | zai kriegen t leven weer". |
| |
| | Auf, auf, mein Herz, mit Freuden |
| | Paul Gerhardt (1607-1676) |
| |
