| |
| 1 | Weest welgemoud en loat joe goan, |
| | as bomen dij ien t veujoar stoan, |
| | as t graf ien hòf dat openging, |
| | en mit joen mond dij t loflaid zingt, halleluja! |
| |
| 2 | Der is gain stee veur t lege woord, |
| | en haile wereld zingt ien koor |
| | mit vrije vogels, hoog ien lucht, |
| | want naacht is veur t rodoagen vlucht, halleluja! |
| |
| 3 | Gain vlammend sweerd staait meer ien weg, |
| | en engel dij t hantaaierde zegt |
| | dat aal ellèn nou over is |
| | omdat de Heer verrezen is, halleluja! |
| |
| 4 | Nou t zegel openbroken is |
| | wordt t woord van Hom ons woar en wis, |
| | zien graf wordt ons as open bouk |
| | mit ale wiendsels doar ien houk, halleluja! |
| |
| 5 | O dood, dij Hom nait holden kon, |
| | Hai krigt zien zeggenschop weerom, |
| | regaaiert weer mit wies belaaid, |
| | en dood krigt zien gerechteghaid, halleluja! |
| |
| 6 | Wie zingen, want Hai leeft ja weer, |
| | Hai was geheurzoam zunder keer, |
| | zien graf doar Hai oet opstoan is |
| | getuugt van licht noa duusternis, halleluja! |
| |
| 7 | O goie engel, doar op wacht |
| | ien t daglicht noa duustre naacht, |
| | noa winter wordt t weer veujoarstied, |
| | dou hòf mor open, wereldwied, halleluja! |
| |
| | Nu moet gij allen vrolijk zijn |
| | Tom Naastepad (1921-1996) |
| |
