| |
| 1 | Alles wat over ons beschreven is |
| | komt op joen scholders dizze leste doagen, |
| | ale geboden tot aan t leste droagen, |
| | verlaaiden van woestijn en wildernis. |
| |
| 2 | Gods scheppen hil veur ons zien deuren dicht, |
| | dij mouk Ie lös en open onze haarten, |
| | Ie, Zeun van Doavid, ploagde man van smaarten, |
| | Keunenk van Jeuden, doar de dood veur swicht. |
| |
| 3 | Jezus, de vlam van joen aanwezeghaid, |
| | let ien ons haarten vreugdevuren branden, |
| | Ie goan ons veur zodat wie goud belanden, |
| | Ie, opperpriester tot ien aiweghaid. |
| |
| 4 | Deur Joe blift branden onze levensvlam, |
| | joen levensbrood is teerkost veur ons leven. |
| | Mit haart en mond wordt lof veur Joe verheven |
| | van dat joen vout op weg van t ovver kwam. |
| |
| 5 | Dit is joen opgang noar Jeruzelem, |
| | doar mouk Ie vrede kloar veur onze ogen, |
| | vrede veur mensken dij joen noam verhogen! |
| | "Hosanna" en "Aan t kruus" zegt zulfde stem! |
| |
| | Alles wat over ons geschreven is |
| | W. Barnard, geb. 1920 |
| |
