| |
| 1 | Priest God, dij boven wolken troont, |
| | en hemel opendut. |
| | Hai stuurt zien Zeun, dij bie Hom woont, |
| | dij ons zien laifde budt, |
| | dij ons zien laifde budt. |
| |
| 2 | Hai komt oet t lichte hemelriek |
| | ien duustre staal terecht, |
| | en wordt, aan t aarmste kiend geliek, |
| | ien t lutje krubke legd, |
| | ien t lutje krubke legd. |
| |
| 3 | Dij haile wereld schoapen het |
| | wil maank zien mensken stoan, |
| | Hai is t dij macht en troon verlet |
| | om zo as knecht te goan, |
| | om zo as knecht te goan. |
| |
| 4 | Hai ruilt mit ons slim wonderliek: |
| | Hai wordt een mensk as wie, |
| | geft ons een stee ien t hemelriek |
| | en overvloud doarbie, |
| | en overvloud doarbie. |
| |
| 5 | Hai wordt een knecht en ik wor heer: |
| | dij ruil geft groot gewin! |
| | Ien wereld vien wie nooit ain weer |
| | dij zoveul geven kin, |
| | dij zoveul geven kin. |
| |
| 6 | Wiedwoagen open zet Hai deur |
| | van t hoge hemelhof, |
| | gain engel staait der draaigend veur. |
| | Geef God aait eer en lof, |
| | geef God aait eer en lof! |
| |
| | Lobt Gott, ihr Christen alle gleich |
| | Nikolaus Herman (1500-1561) |
| |
