| |
| 1 | Ik lig op knijen ien dien staal, |
| | O Jezus, Doe mien leven. |
| | Ik kom bie Die en breng die aal |
| | mien goaven van Die kregen. |
| | O, neem mie aan zo as ik bin, |
| | mit haart en ziel, mit geest en zin, |
| | en loat Die t mooi tou wezen! |
| |
| 2 | Wied veurdat ik ien wereld kwam |
| | bist Doe veur mie geboren |
| | en veurdat ik dien woord vernam |
| | wolst laifde mie verkloaren. |
| | Veurdat dien haand mie schoapen het |
| | het God Die zulf ien t krubke zet |
| | en hest Die aan mie geven. |
| |
| 3 | Doe bist ien t duuster van de nacht, |
| | o Zun, veur mie verrezen. |
| | O Licht van zun, mit aal dien pracht, |
| | dien gloud het mie genezen. |
| | O Zun, dij aan mien hemel staait, |
| | wat schienst doe helder, wied en braid, |
| | wat moakst mie riek en bliede! |
| |
| | Ich steh an deiner Krippen hier |
| | Paul Gerhardt (1607-1676) |
| |
