| |
| 1 | Gain kracht meer om te leven, |
| | gain licht om op te stoan, |
| | mit stad van God, van vrede, |
| | mit stad is t zuver doan. |
| | Gain kiend en gain gedou, |
| | bloots wanhoop ien heur stroaten, |
| | verinneweerd, verloaten, |
| | mit winter om heur tou. |
| |
| 2 | Vergrèld mout Ie nait blieven, |
| | nou t hier om t leste gaait, |
| | wil op joen wolk verschienen, |
| | God van gerechteghaid. |
| | De dood is wied en zied, |
| | en t licht duurt t nait meer woagen, |
| | de naacht wait nait van doagen, |
| | t bestoan van ons oet tied. |
| |
| 3 | Onraain heb wie gain leven, |
| | as blad vaal wie van boom, |
| | deur weer en wiend verdreven |
| | mout wie verbiesterd goan. |
| | Joen licht is nait te zain, |
| | Joe krieg wie nait veur ogen, |
| | ons schuld is nait te droagen |
| | en helpen kin gainain. |
| |
| 4 | Zai hou dat wie hier lieden, |
| | gain rust bie dag en nacht. |
| | Stuur ons ien dizze tieden |
| | ain dij ons zunden dragt. |
| | Loat t laam van wildernis |
| | tot baarg van God regaaiern, |
| | gerechteghaid onnaaiern, |
| | dat oarde oarde is. |
| |
| 5 | De vrede gaait verloren, |
| | stoa ons oet hemel bie! |
| | "Mensk wor vannijs geboren", |
| | sprekt God, "en heur noar Mie!" |
| | "Ik bin, IK BIN joen Heer, |
| | joen Voader dij joe biestaait, |
| | en levenslaank veurop gaait |
| | mit vrede rondom heer!" |
| |
| 6 | Loat t hoog oet hemel stromen |
| | oet grode, duustre wolk, |
| | op ons kontraainen komen: |
| | rechtveerdeghaid veur t volk. |
| | As daauw ien zummernacht |
| | dij deel komt, t laand tou zegen, |
| | as hemelhoge regen, |
| | dij wereld zet ien pracht. |
| |
| | Geen kracht meer om te leven |
| | W. Barnard, geb. 1920 |
| |
