| |
| 1 | Noam van de Heer kin ie verwachten wezen, |
| | Jeruzelem, goa hoog op oetkiek stoan, |
| | dien mooiste klaid let t licht van steerns lezen, |
| | kinst blied dien laid van bruloft zingen goan. |
| |
| 2 | Hai stroalt as helder licht van zeuven doagen, |
| | Hai troont op t lofgezang van Israël. |
| | Zo wordt zien noam noar ale volken droagen, |
| | dij vroagen of veur heur t ook wezen zel. |
| |
| 3 | Jeruzelem, noar t woord van olle tieden |
| | bist doe tou troost veur volken, wied ien t rond, |
| | veurgoud veurbie is ale pien en lieden, |
| | de Heer komt zulf mit t woord van zien verbond. |
| |
| 4 | t Is doan mit t leven onder vremde machten, |
| | doe gaaist ien dainst van keunenk Zebaöth, |
| | dij vorst van volken, hom zel men nog achten, |
| | en net as ie vereert men bliede God. |
| |
| 5 | Mouder van elk dij leeft, moak kloar zien wegen, |
| | van wied kommen dien kiender bie mekoar, |
| | zai longern noar dien aarfdail en dien zegen, |
| | vorstin van eerde, moak dien toavel kloar. |
| |
| | De naam des Heren nadert reeds van verre |
| | Tom Naastepad (1921-1996) |
| |
