| |
| 1 | Hou mag ik Joe ontvangen? |
| | Hou moak ik Joe noar t zin? |
| | Leer mie noar Joe verlangen |
| | as t mooiste dat ik kin. |
| | Wil Ie mien geest verlichten |
| | mit t schienvat van joen woord, |
| | dat Ie mie onderrichten |
| | wat of Joe t mainst bekoort. |
| |
| 2 | Ik was ien macht van zunde, |
| | mor deur joen macht bin k vrij! |
| | Deur wat joen laifde gunde |
| | bin ik zo wit as snij! |
| | Mien leven was mor staarven |
| | deur Joe leef ik veur aait. |
| | Nou mag ik van Joe aarven |
| | dij schat, dij nooit vergaait. |
| |
| 3 | Woarom bin Ie geboren |
| | aan t aarmste kiend geliek? |
| | Woarom bin Ie vervoaren |
| | hail oet joen hemelriek? |
| | Joen laifd' en medelieden |
| | mit ons, zo aibels groot, |
| | dreef Joe om hier te strieden |
| | mit zundemacht en dood. |
| |
| 4 | Joa, schrief dat ien joen haarten, |
| | bie zörg en stried en nood, |
| | bie lieden en bie smaarten, |
| | bie t noadern van joen dood. |
| | Al wordt joen kruus aal swoarder, |
| | kin ie gain licht meer zain, |
| | joen Trooster en Bewoarder |
| | dij let Joe nooit allain. |
| |
| 5 | Nooit huif wie ien gevoaren |
| | vertoesd, verlegen stoan. |
| | De Heer wil ons bewoaren, |
| | gaait nait bie ons vandoan. |
| | Hai zörgt ja ale tieden |
| | en Hai brekt soatans macht. |
| | Hai wil beslist nait lieden |
| | dat dij ons dood ienjagt. |
| |
| 6 | Nog ainmoal zel Hai komen, |
| | geft elk en ain zien loon. |
| | Den kriegen ale vromen |
| | een zuver golden kroon. |
| | Zol wie Hom nait verwachten? |
| | Hai komt ien aals gevaal. |
| | Ik zai Hom ien gedachten, |
| | ik heur zien voutstap al. |
| |
| | Wie soll ich dich empfangen |
| | Paul Gerhardt (1607-1676) |
| |
