| |
| 1 | Hai het t veur t zeggen kregen, |
| | zien keunenkriek is sticht, |
| | de Heer is ons tou zegen, |
| | en bruloft komt ien zicht. |
| |
| 2 | Hai mout ons lof ontvangen, |
| | zien hoes is licht en wied, |
| | Hai wil ons t feestmoal langen, |
| | de bruud is kloar en blied. |
| |
| 3 | Wat goie doaden binnen |
| | doar t ien t geloof om gaait, |
| | zain wie ien t mooiste linnen, |
| | doar bruud zo goud ien staait. |
| |
| 4 | Dat alerzuverst linnen, |
| | dat handeln noar de geest, |
| | is t klaid oet droaden weven, |
| | bestemd veur t grode feest. |
| |
| 5 | De bruloft is besproken |
| | en toavel staait al kloar. |
| | Elk het mit onrecht broken |
| | en dreumen worden woar. |
| |
| 6 | Wat wil Hai ons doar geven? |
| | Wat is op toavel zet? |
| | Dij brood is om te leven |
| | en wien veur mensken het. |
| |
| 7 | Gelukkeg aal dij drinken |
| | van bliedschop zunder moat, |
| | zien goaven wil Hai schenken: |
| | zukzulf as ovverdoad. |
| |
| 8 | Hai is de wien dij goud blift |
| | en aaid te drinken is, |
| | t Laam dat ons vrij mit bloud krigt |
| | en overwinnoar is. |
| |
| 9 | O, overvloud van leven, |
| | o, wotter dat ons wast, |
| | wat wordt ons wel nait geven, |
| | wat bin wie goud te gast! |
| |
| | Als Koning opgetreden |
| | W. Barnard, geb. 1920 |
| | |
