| |
| 1 | Gainain van ons leeft veur zukzulf allain |
| | en staarven veur zukzulf dat dut gainain. |
| | Want as wie leven, leven wie veur Hom |
| | en as wie staarven zigt Hai noar ons om. |
| | Bie dood en leven, doar vertraauw wie op, |
| | wil Hai ons woaren ien zien zeggenschop. |
| |
| 2 | Want doarom is Haizulf as eerste goan, |
| | oet tied ien t graf, en dou oet dood vandoan. |
| | Doarom is t dat Hai t leven kregen het, |
| | dat Hai vannijs aan ons weer leven geft. |
| | Of dood of levend, aaltied staait veurop: |
| | t bestoan van ons hangt aan zien zeggenschop. |
| |
| 3 | Woarom veroordailst mensken om die tou, |
| | woarom verachtst doe heur mit heur gedou. |
| | Bin wie gain mensken, aalmoal gelieke wel, |
| | gainain van ons dij dood ontlopen zel. |
| | Wie stoan veur Christus as Haizulf ons ropt |
| | en kriegen t oordail van zien zeggenschop. |
| |
| 4 | Gods aigen woord zegt: Zai Ik leef en kom |
| | en elk is mienent, is mien aigendom. |
| | Elk komt op knijen en bewist Mie eer |
| | en elke tong getuugt van Mie as Heer. |
| | Wie priezen Joe, o God, doar wacht Ie op, |
| | ien dood en leven geldt joen zeggenschop! |
| |
| | Niemand van ons leeft voor zichzelf alleen |
| | J.W. Schulte Nordholt (1920-1995) |
| |
