| |
| 1 | Goa mor aan boord, zeg Ie, |
| | steek mor van t strand, |
| | ien stroom op en ien wiend, |
| | voar mor noar aander kaant, |
| | wacht doar op Mie. |
| |
| 2 | Geef Ie ons nou veur brood |
| | gain stain, o Heer? |
| | Loat Ie ons hier ien nood, |
| | allain ien dit min weer, |
| | wil Ie ons dood? |
| |
| 3 | Wie zain allenneg mor |
| | wotter en wiend. |
| | Zeg Ie den: wacht ie doar? |
| | As t schip gain hoaven viendt, |
| | wait wie nait woar. |
| |
| 4 | Wèl spoukt hier rond op t meer, |
| | ien duusternis, |
| | wat vlugt doar hènneweer? |
| | Heer, bin Ie echt ons Heer, |
| | kom den hierheer! |
| |
| 5 | Schepper, spreek Ie joen woord, |
| | dat bui verwaait, |
| | dat haarde wiend bedoart |
| | en zee op knijen gaait, |
| | en kom aan boord. |
| |
| 6 | Hier bin Ik, geef dien haand, |
| | kom mor mit Mie, |
| | k breng die noar overkaant, |
| | wees mor nait baang, zeg Ie, |
| | hier is mien haand. |
| |
| | Ga in het schip, zegt Gij |
| | Muus Jacobse (1909-1972) |
| | |
