| |
| 1 | Ien donkerhaid van swoare tieden |
| | brook helder licht zuk stroalend boan, |
| | God zag zien volk ien aal heur lieden, |
| | en lait heur weer ien bliedschop goan. |
| | Dou brook zien licht deur donkre wolken |
| | van zundemachten en van dood. |
| | Dat licht schient over ale volken, |
| | as t nije licht van t mörgenrood. |
| |
| 2 | Der is een kiend veur ons geboren, |
| | een zeun ons geven deur Gods kracht. |
| | Dij komt Gods laifde ons verkloaren, |
| | zien last is licht, zien juk is zacht. |
| | Zien noam is: 'Wonder van genoade', |
| | zien laifde geldt ja elk en ain. |
| | Al bin wie ook mit schuld beloaden, |
| | Hai let ons God as Voader zain. |
| |
| 3 | O Vredevorst, wil ons toch geven |
| | dij vree, doar elk verlet om het. |
| | Veur dizze vree lait Ie joen leven, |
| | doardeur heb Ie ons leven red. |
| | Nou mag wie weer ien vree verkeren, |
| | en leven ien rechtveerdeghaid. |
| | O Vredevorst, loat elk Joe eren, |
| | Joe priezen tot ien aiweghaid. |
| |
| | Daar is uit 's werelds duistre wolken |
| | Nicolaas Beets (1814-1903) |
| |
