| |
| 1 | Ik kiek noar baargen mit mien wènsteg' ogen: |
| | "Woar krieg ik hulp en haail te zain?" |
| | Mien hulp komt van de Heer allain, |
| | dij oarde schoapen het en hemelbogen |
| | deur zien vermogen. |
| |
| 2 | Hai holt die vaast en let dien vout nait glieden, |
| | Hai is dien trooster ien t verdrait, |
| | Bewoarder, dij veur Isrel staait. |
| | Zien woakend oog zel aaltied bie die blieven |
| | en veur die strieden. |
| |
| 3 | De Heer bewoart die as ien vrouger doagen, |
| | Hai is dien schaar dij mit die gaait. |
| | Hai zel, as zun te branden staait, |
| | as moan bie naacht schient, die ja vaaileg droagen, |
| | hest nait te kloagen. |
| |
| 4 | De Heer zel die ien onhaail en gevoaren |
| | veur ogen holden zo as bist, |
| | woar ook dien oet- of iengang is, |
| | en die ien aal dien levensjoaren |
| | aingoal bewoaren. |
| |
| | k Hef vol verlangst, van dag tot dag mijn ogen |
| | Jan van Duisburg, Luthers Gezangboek, 1687 |
| | |
