LB0731
1. Vergeet nich hou wie haiten,
noar Joe bin wie ja nuimd.
Zol Joe ons nich meer waiten,
den wadden wie vergraimd
te staarven aan joen leven:
mor as Ie aan ons dinkt,
is der een aiweg even,
een ogenblik ons geven,
een Poaske dat ons wenkt
2, Zai worden nich vergeten
dij van ons overgoan
noar Joe, want in ons heden
bewoar Ie heur bestoan.
Heur noamen stoan geschreven
stoan in joen handpaalm grift,
blieven in joen gedachten.
Zai blieven dag verwachten,
de dag dij altied blift.
3. Vergeet nich hou wie haiten,
wie haiten noar joen noam.
Oet doezenden gebeden
stelt zok joen ainvoud soam.
En wordt joen liggoam broken
net as het aine licht,
van noam tot noam wordt sproken,
vannijs de vlam ontstoken,
zo zain wie joen gezicht.
Hanne Wilzing.
