Links Inloggen
Naar begin van de pagina
Home

LB0679

1. Geweldege, bevlogen wind
dij vaalt, dij zoest en broest,
dij rit aan muren, dak en bint,
doe vulst dit hoes.

2. Dien overdoad van oadem drift
het wotter op mit kracht,
wat God nou baauwen wil, dat krigt
hier vörm en macht.

3. Wat God hier baauwt, dat is aal zaaid
en dwaars deur dood hin goan,
dat kiemen gaait woar ofstoe waaist,
as levend groan.

4. Geweldege, doe vulst dit hoes,
gefst tong en lippen kracht,
doe moakst ons vureg dat het broest
oet ale macht.

5. Gedrevene, dien laaidzeel brekt
gelaifde streng kepot
en aal wat neudeg leek, wordt krekt
vernaild, blift vot.

6. Wel zel dien haartstocht ondergoan
en wel dien staarke lust:
doe jagst ons op, hail dien bestoan
dat kent gain rust.

7. Geest dij van gain bedoaren wait,
loat ons toch tot aan oogst,
o störm van vuur en tederhaid,
nait ongetroost.

Klaas Pieterman, Janka Rubingh, Riekje Tamminga, Tonko Ufkes.


Terug

Bookmark and Share Rijksweg West 83, 9608 PB Westerbroek Email ANBI Facebook