Links Inloggen
Naar begin van de pagina
Home

LB0626

1. Ik zuik mien Heer, het graf is leeg,
het veujoar bluit mor antwoordt nait.
Der is gain troost veur mien verdrait,
de Heer is vot!

2. Dij k tegen kwam dij sprak ik aan,
de engeln wenkten bie het graf,
mor hail gainain dij antwoord gaf.
Woar is Hai din?

3. Doar komt een man. De toenman is t,
-mien ogen rood, van t schraiven blind-
'Wies mie het stee, woar ik Hom vin,
Hai is hier nait'.

4. 'Maria!' zegt Hai, en votweg,
ik zag Hom nait, mor aan zien stem,
aalweg geliek, herken ik Hom,
dou Hai mie von.

5. Nou wait ik t wis, ik zai Hom stoan,
goa noar Hom tou. Ik heb Hom weer!
Hai zegt mie din, mit zaacht verweer:
'Kom mie nait aan!

6.Ik bin der nait veur die allènt,
ons zusters, bruiers wachten nog,
ik wor verhoogd noar God omhoog.
Goa! Zeg heur dat!'

7. Gestaarkt, geheurzoam ging ik hin
en brocht onmiddelk bosschop rond:
Hai zochde mie, kent mie veurgoud,
en elkenain!

8. De Heer is opstoan, eerlek woar!
Dat waiten wie, dat zingen wie.
Hai leeft! En Hai is elk noabie,
woar wie ook goan.

Janka Rubingh/Tonko Ufkes


Terug

Bookmark and Share Rijksweg West 83, 9608 PB Westerbroek Email ANBI Facebook