LB0629

1. Ik bin in mien toene komen,
veur mien lust, veur mien laid.
Zing din, o lover,
de wind zit in de bomen.
Halleluja is mien laid.

2. Ik bin in mien toene komen,
o mien zuster, mien bruud.
Ik neem de mirre,
de kruderij en hunneg,
vrunden, drink, wees deurhèn blied.

3. Ik bin aan de grip ontkomen
van de daif, van de nacht,
staark is de laifde,
gain grundel kin heur tomen,
Ik brook deur de dodenwacht.

4. Ik heb haart en ziele vonden
in het daipst van mien nood.
Vastbonden was ik,
bedekt deur hail veul wonden,
Ik was weerloos tot aan dood.

5. Ik bin as het licht geboren
uut het swaart van de nacht.
Ik was verloren,
mor God laint mie zien oren.
Hai het aalweg aan mie docht.

6. Ik bin as een laid ontstegen
aan de struup van de tied,
Ik bin de alfa
en ik bin de omega,
Ik leef tot in aiweghaid.

7.Ik bin in mien toene komen,
tot mien zuster, mien bruud:
hemel op eerd,
de hemel is mien woonstee,
eerde, breek in jubel uut!

Janka Rubingh

Terug